Ṣiṣe agbekalẹ ileeṣẹ Ajọ-orilẹ Yorùbά ti yoo maa boju to idẹrrun ati igbaye-gbadun gbogbo ọmọ Yorùbά lati ẹyin odi eleyii ti a da pe ni YCWSS ni igbesẹ akin to sun kan fun gbogbo ọmọ Yorùbά to n gbe ni ẹyin odi ilẹ Yorùbά ti apa Iwọ-Oorun ilẹ-Afrika lati ṣalaye ati lati se agbekalẹ to mọyan-lori, lati se ipolongo to la gbogbo agbaye ja, ati lati kede pe a ti balẹ bagẹ fun gbogbo agbaye lati ri ki wọn si mọ gẹgẹ bii ẹya to laakun-laaka eleyii ti a si to ẹgbẹẹgbẹrun lona- ẹgbẹrun niye kaakiri gbogbo agbaye lati pese ohun gbogbo ti a nilo lati orilẹ-kan-si omiran gẹgẹ bi a se gbọ iroyin rẹ ni ilẹ Gẹẹsi ati orilẹ-ede Amerika. Ẹya Yorùbά to ni iye eniyan to pọ julọ niye ninu gbogbo ẹya to wa lorilẹ Naijiria eleyii ti oun naa jẹ orile to ni iye eniyan to pọ julọ ni gbogbo ilẹ-Adulawọ (Afirika) nipa idi eyi ni ẹya kan ṣoṣo to jẹ dudu to gbọrẹgẹ-jigẹ ni gbogbo agbaye. Nipa idi eyi a ti kogo ja, a peregede, a fi gbọọrọ jẹka o si ti to akoko tipẹ-tipẹ fun wa lati ni orilẹ olominira ti wa eleyii ti a o tun nii maa ṣe ajọpin rẹ pẹlu ẹya /orilẹ Kankan mọ.

Nipasẹ akitiyan ati igbokegbodo ajọ ti a n da pe ni YCWSS yii, a ti bẹrẹ sii gbe igbesẹ akin lati pe gbogbo awọn eeyan wa jọ papọ kaakiri gbogbo agbaye, lati lee samulo gbogbo awọn ẹkọ olowo iyebiye ti a ti kọ nile sẹyin, abala asa wa to daa julọ nipa ifira- ẹni-jin ati fifunni ati bi a se pọ to ni onka ni ọpọlọpọ awọn orilẹ kaakiri agbaye lati bẹrẹ sii sisẹ to sisẹ agbekalẹ awọn awujọ ti a lee pe ni tiwa gan-an, fun awọn eniyan wa ati ni Pataki julọ fun ominira orilẹ Yorùbά ni Iwọ-Oorun Afirika. Eyi to ga ju ninu awọn akitiyan wa ni lati ri i pe a fi awọn Ọba Yorùbά jẹ ni ilẹ Gẹẹsi ati ni Orilẹ Ede Amerika. Ọmọ Yorùbά to ẹgbẹẹ-gbẹrun lọna ẹgbẹrun niye ni awọn orilẹ mejeeji ti a darukọ yii. Eyi nikan si to ni ẹri ati awijare wa fun awọn igbesẹ yii, eleyii ti erongba rẹ jẹ ọna lati se igbelarugẹ ati lati ṣe lọjo asa ati iṣẹṣe oun ede Yorùbά wa ni gbogbo agbaye Aijẹbẹẹ, Ọlọun ma jẹ ki Yorùbά o tẹri sinu agbami okun awọn asa ajeji gbogbo. A o ri i daju pe a gbe ihinrere ọrọ nipa ẹya Yorùbά de ọdọ awọn eeyan wa ni ibikibi ti wọn ba wa lagbaaye, eleyii yoo si mu ki okun to so gbogbo ọmọ Yorùbά pọ o tun le dain dain sii.
Oju opo ayelukara ti itakun agbaye WEBSITE ajọ yii yoo maa se afikun ati afihan awọn ise ati ileeṣẹ titun titun miiran, awọn ọrọ miiran to ba nii ṣe pẹlu wọn ati iṣẹ ti wọn kapa lati se gbogbo. Awọn iṣẹ ti wọn saaju wọnyi yoo maa jẹ pipese ni Ilẹ Gẹẹsi ati ni Orilẹ- Amẹrika. Bi a ba si ti n ni awọn orilẹ-titun miiran pẹlu, logan ni a o maa se afikun wọn ti a o si maa kede wọn pẹlu lori itakun ayelukara WEBSITE yii kan naa.

Ọfẹ ni gbogbo awọn ohun ti a o maa se fun yin lori itakun yii. Iyẹn fun gbogbo ẹni to ba jẹ ọmọ Yorùbά, yoo si maa de ọdọ yin lati ipasẹ awọn oṣiṣẹ akọṣẹ-mọṣẹ afira-ẹni jin lati ẹyin odi wa. Ẹni kọọkan ti wọn ba da lohun nipasẹ eto yii ni wọn o mu wole si inu opo ayelukara wọn, gbogbo awọn ohun to ba si yẹ lati mọ nipa ẹni to ba jẹ anfaani naa ni lilo re ko nii kọja biba-ara ẹni sọrọ pẹlu rẹ nikan lori ohun to jẹ mọ eto yii. Nipa idi eyi, awọn eniyan wa ko gbọdọ padanu nọmba asiri fun ẹrọ ibaniọrọ wọn nitori pe awọn to ba forukọ silẹ nikan ninu awọn to ba jẹ anfaani nikan ni a o jọ maa sọrọ papọ, a si tun lee lanfaani lati maa ba awọn asoju wọn tabi awọn obi/alagbatọ wọn sọrọ pọ iyẹn bo ba jẹ ọmọde ni ẹni too jẹ anfaani naa. Gbogbo ọrọ nipa ẹni kọọkan ni yoo jẹ ṣiṣe lọjọ lọdọ ajọ ti a da pe ni YCWSS yii eleyii to se pe bi eni to ni i ba ni ka fi sita lo ku ti a o se bẹ, ti yoo si wa ni ibamu pẹlu ofin ajọ GDPR ti ọdun 2018 ati aato oun ilana/alakalẹ  agbekalẹ ajọ YNCS ati ti YCWSS gbogbo.

Inu wa yoo dun bi a ba ri awọn afira- ẹni-jin oṣiṣẹ lẹyin  odi titun ti wọn  ṣe tan lati dara pọ mọ wa. Tayọ-tayọ ni a o si fi gba wọn mọra pẹlu. Gbogbo awọn oninu-didun ọlọrẹ pata ni a n reti, a o si ni i sai maa lu yin lọgọ ẹnu nipa fifi ẹmi imoore han. Ẹ lee pe eyikeyii ninu awọn ẹrọ ibanisọrọ tẹlifoonu to wa nisalẹ wọnyi. Gbogbo awọn ti wọn ba ṣe tan lati fi ara jin fun iṣẹ yii ni wọn o kopa ti wọn  si gbọdọ yege ninu eto idanilẹkọọ lati ibẹrẹ de opin ki wọn o too lee maa ba awujọ ni ajọsepọ lori isẹ yii. 

Gbogbo ofin ilana ati agbekalẹ ajọ YNCS ati YCWSS ni yoo si maa jẹ mimulo ati titẹle paapaa eleyii to ni ise pẹlu igbelewọn atigba-degba pẹlu ayẹwo oun ijanu lati ọdọ ajọ ti a da pe ni DBS. A ko ni faaye gba iwa ibajẹ tabi asilo ipo lati ọdọ oṣiṣẹ afira-ẹni-jin yoowu  bo ti wu ko mọ,  a si lero pe gbogbo awọn to ba jẹ anfaani eto yii naa yoo maa se apọnle ati ayẹsi awọn oṣiṣẹ  afira-ẹnijin wa ati gbogbo awọn to ba pe wọn. A ni aṣẹ lati fopin si anfaani ẹni to ti n jẹ anfaani tẹlẹ, tabi ki a tiẹ  fagi le aaye ẹni to ti n jẹ anfaani tẹlẹ ka si gbe e fun ẹlomiran to wu wa ni igbakugba ati lai ni ajọsọ-ọrọ tẹlẹ  lori rẹ.

 Akọmọna wa ni yoo maa fi gbogbo igba tẹle alakalẹ ilana ati ti akọṣẹ-mọṣẹ. Awọn ohun ti o ba si wa ni ikawọ wa ni ṣiṣe la o maa pese, niwọn igba to ba ti ba ofin mu ti a si ni ohun gbogbo ti a nilo lati pese rẹ ni ikawọ wa.

A n reti imọran to dara, to si se anfaani lati ọdọ gbogbo ọmọ Yorùbά gẹgẹ bi o se jẹ pe eto yii wa fun gbogbo ọmọ bibi ilẹ Yorùbά kaakiri agbaye ni. Ileeṣẹ to n ri si orilẹ-Yorùbά lẹyin odi ti a n da pe ni YNCS se tan lati ṣiṣẹ papọ  pẹlu Ileeṣẹ tabi ajọ yoowu to ba ni afojusun tabi agbekalẹ bii tiwa yii.